مـــاتيجو نكتائب شــــويه

انا النهارده جايب ليكم موضوع ذى الفل  

وهوه انى ملاحظ انى مكتئب بقائلى سنه وشويه كده من ساعه ماسفرت وسبت مصر 

وانا لما كونت فى مصر كونت عايز اخلع منها ولما خلعت بقئيت عايز ارجعلها  

وهيا دى الدونيا وعجبى  

والتوبيك النهارده عن

 

هيا بنا نلعب سورى هيا بنا نكتئب

بقالى فتره كل مكلم حد واقوله ايه الاخبار يقولى:
مكتئب!!!!
  

قولت الله هيا ناقصه مش كفايا انا مكتئب خلقئه 

 

اتصل بصحابى ايه يابنتى انتى فينك؟؟
مفيش مكتئبه.

اشطه كده بقئت عسل الكل مكتئب يعنى مش انا لوحدى 
وكل مجى اتفسح عند اصحابنا المدونين الاقى كله بيقول كلمه واحده وبس
انا مكتئب..
يعنى اجى اروح الشغل من هنا ألاقى  رياح الاكتئاب تطس فى وشي  عدل..
متفهمش دا فيروس ومنتشر فى الجو ولا حد دعا دعوه وقال روحوا ياشباب
مصر الهى يارب تكتئبوا..
 

وركز اوى فى الدعوه عليا  

 

ولا هى عدوى وبتنتشر زى الانفلويسه
النتيجه فى الاخر واحده كله عامل دماغ اكتئاب عاااااليه جدااااااااااااااا

 

وطبعا انا عن نفسويتى معرفش يعنى ايه اكتئاب اصلا 

لائنى مكتئب ذى ما اقوتلكم مكتئب خلقئه بس لما  

سرحت فى سقف الاوضه بتاعى وانا قاعد وبشرب شاى بلجنزبيل 

قولت فى عقل بالى 
مفيش فى حياتى مايدعو للاكتئاب..واكتئب ليه اصلا
قومت اخات دش واتليفت يجى خمس مرات كده وبقئت الحياه حلوه  

قدامى فتحت التلفزيون من هنا وجبت على قناه الفراعين  

واتفرجت على واحد مسخره وده ابسط وصف ليه  

وهوه توفيق عكاشه  

 

ولما اتفرجت عليه رجعلى الاكتئاب وذات عن الاول بكتير  

الله يخرب بيت امه 

قولت فى نفسويتى ياريتنى ماتفرجت على التلفزيون ده  

خلاص كانت
  حياتى هتبقى  بمبى..تيررررررا بمبى تيررررررا
بمبى بمبى بمبى
وفى ضغطه زورار الريموت بقئت بلاك دى   

 

ورجعت بيا المواجع من تانى
يعنى مثلا شوفو درست دراسه مش بحبها   

 

 

بس كانو اهلى بيحبوها وهيا مرض واسمه الثانويه العايمه انا بسميها كده
اتخرجت وكملت علامى بعد كده ودلوقتى انا  مشرف فى بيتنا ده قبل  

ماالاقى شغل وربنا يفرجعها عليا

اشتغلت لفتره من الزمن وسيبت شغلى وانا بكامل قوايا العقليه 

 

لاسباب كتيره مش وقتها دلوقتى
وبعد مكنت موظف اد الدنيا فى فرن عيش ابو شيلن 

 

  

بقيت عاطل عن العمل
 ده برضه قبل ما اشتغل 

 

وعلى راى اللى قال من لايملك قوته لا يملك قراره

وقاعد دلوقتى بتأمل فى السقف 

 

 

واحط الضل فى ازازه واصدع فيكو شويه

دا كان على الصعيد العملى
ندخل على الصعيد العا تفى
  

فرااااااااااااااااااااااغ  بالعنجليزى
وبما ان كان  مفيش وقئتها لاف ستورى Lovestory 

 

وبما ان مفيش شغل
وبما ان اتنيلنا واتخرجنا...
بس عايز اقولكم حاجه انا دلوقتى فى lovestory   

 

مع انسانه جميله اوى واسمها رنا ربنا 

يخليها ليا اصلى بحبها لدرجه الجنون  

اه والله  

نرجع بقا لموضعنا اصلى لو اتكلمت عليها مش هقدر اوصفها فنرجع لموضعنا  

احسن 

لقيت الحياه فاااااااااااضيه وروتين قاتل مع ملل حاد وتكور فى المخيخ ...
يعنى انا كونت وقئتها اقدر اقولك يومى بكره وبعده وبعده هيمشى ازاى...

اه صحيح مش عاوز حد يتفلسف ويقولى روح نام ياعم الحج او موت صدعتنا
لاء اومال انا عامل التوبيك دة لية علشان اعكنن عليكم هههه
ومش لانى عامل فيها سوكرات ابقا مش عاجبنى حد
وبطلع فى كل واحد عيب ..

وده يااااى عنده مناخير فى وشه وده يععععععع طالعله ننى فى عينه..

فزى ملاحظتو كده مفيش اى حاجه فى حياتى تدعو للاكتئاب ابداااااااااااااااااااااااا
والحياه بمبى والكورنيش اللى فى السقف بيتنا يجنن
  

قصر الكلام هستفيد ايييييييييييه لو اكتأبت؟؟؟؟
هتتحل كل الامور اللى كانت ومازالت مضيقانى او الى مديقائكم انتو....هحس او انتا هتحس مثلا براحه نفسيه...

بالعكس هزود القرف عليا وعليك على القرف اللى موجود اصلا...
من الاخر كلنا فى الهم شركااااء وكل واحد حتى وان كان ظاهريا مفيش حاجه تعكننه
هتلاقى حاجه برضه بتعكنن عليه دى سنة الحياه

وبما ان اسأل مجرب ولا تسأل طبيب
فحبيت اديكو عصاره خبرتى
السابقه فى الاكتئاب
فنصيحه اول متحس ببوادر اكتئاب اعمل زى

_ اتوضا وصلى ركعتين لله
  

وبعدين اقعد او اقعدى اكتب بوست كله تهرييييييييج
او كلم اصحابك على التليفون واتريقوا على نفسيكو

او دور على حد تغلس عليه..
انشالله تكون نمله معديه ادامك قولها انتى يانمله قوليلى يانمله
مذكر كلمه نمله ايييييييييه؟
    

 

( اكيد هترود عليك وهتقول مش هقولك بغلاسة امك دى انتا شارب يلا )

ساعتها بقا تقوم
مهدد النمله وقولها سأقتلك ان لم تجاوبى..
وكرر التهديد سأقتلك,,سأقتلك وبعدين باى شبشب وبطل صداع باه..

هتلاقى نفسك بتضحك واوعى تعيش الدور والحاله 

لتخش الصرايا الصفرا وساعتها ولا اعرفك
وانسي انك مكتئب والحياه بيضا بخطين حمر
( لو كنت مكتئب وذملكاوى معاك ربنا ومرتضى منصور داخل الانتخابات
وهنتفرج احلى فرجه )

حاول تخرج بسرعه من المووووود
اركب اى حاجه واخرج: توك توك,,, باتا 45 على حسب مقاسك..

اصلها لو احتلتك مش هيخرج الاكتئاب منك ولو بالطبل البلدى

وافتكر ان مفيش حد حزين علطول ولا فرحان علطول
ومفيش حد مرتاح ربنا قال وخلقنا الانسان فى كبد

وكله بيعدى وبيمر..

وبعدين حبيب قلبى صلاح جاهين قالها حكمه: 

 

الدنييا اوضه كبيره للانتظار
فيها ابن ادم زيه زى الحمار
الهم واحد والملل مشترك
ومفيش حمار بيحاول الانتحار
وعجبى

اى حد هظبطه مكتئب
هحطه على اله التعذيب الجديده واللى هحاول اطالب بتعميمها
على كل المدونين والشعب كمان علشان دى الالة الوحيدة لحل عقدة الاكتأءب
اله الزغزغه...ان ان تشششششششش

 

اخوانى الاعزاء تفاءلوا خيرا تجدوه
واضحك للدنيا تضحكلك

وكشرلها هتديك على بوزك
انبى تبسم ياجميل..

وبعد ده كله نسيت اقولكو حاجه مهما جدااااااااااجداااااااااا 

انا




انا



انا




انا بعد التوبيك ده اكتئبت اكتر  وشكلى هنتحر قريب
ههههههههههههههههه
بضحك معاكو كركركركركر وازيكن ازيكن ياللى انتو جيتو عندنا
واييييييييييييييه

ملحوظه رفيعه
التوبيك دة

اهداء خاص لى روح قلبى رنا  

  

نصحيه هامه جدااااااااااا 

 

بلاش حد يتفرج على قناه الفراعين ولا على  

توفيق عكاشه 

 

 

لائنه لو حد اتفرج عليه  

مش هيكتئب وبس اربسوركلى  

ده هينتحر وقئتى  

 

اخوكم عمر

انتا فعلا شايف انك كونت وقئتها بنى ادم

 
تعالو نتكلم على التوبيك الى  الفكرة بتاعتة جت على بالى وقولت لازم اتكلم معاكم فيها الا وهيا انتا شايف انك انسان فعلا  

انا سامع واحد بيقول اومال  احنا اه 

ارد بقا انا عليه واقله احنا بقئينا بنى ادمين من بعد 25 يناير قبل كده  

الله يعزك كونا ذى الشبشب الى ساعتك لبسه
بمعنا فين كرامتك فين حقوقئك قبل 25 يناير  فين وفين وفين تعرفو الواحد فينا ساعات بيقول ياة يارتنى كونت امريكى او فرنساوى او ايطالى على الاقل هلاقى حد يعملنى كا انى بنى ادم  ليا حقوق لاء اسمع الاغرب من كدة انك بتلاقى حد من الوزارء الفوجل  على عهد ابن الموكوسه حسنى  بيقولك قبل ما طالب بحقوقئك لازم تعرف اية المطلوب منك حد يزغزغنى فى رجلى يمكن مضحكش " هوة احنا اساسا كونا موجودين علشان ندى حاجة مش كفاية كل حاجة  كانت بتتاخد منينا غصب او بمزاجنا يعنى كدة كدة احنا ملناش اى لزمة وسمعانا اليومين الى فاتو دول عن موضوع غريب اوى وهوة ان
كان فى نميمه تدور فى اروقة لجنه السياسات من فتره طويله جدا والاوشاعه بتقول

   

ان المال متجوز السياسه عرفى

   

اه والله اصدقئها اى حاجه على عهد ابن الموكسه ده اصدقئها المهم

وفى ناس قالت لا ده رسمى ولكن فى النهايه انا شايف سواء كان عرفى ولا رسمى
انهم المفروض يتطلقوا
اصل مشاكلهم كترت اوى وفضيحتهم بأت بجلااااااااااااجل وريحتهم طلعت
رشوه على قتل على تهريب
ياريس استعمل ديتول الريحه وصلت لعندنا....
او شفلك حل فى لجنه السياسات دى...
بس الحمد الله انتم دلوقتى كلكم بقئيتو فى سجن طرا  

وبما انى كنت ماسك الجرايد وعمال اقلب فيها يمين وشمال ايام ماكونت  

فى مصر اصلى عقبال امالكم دلوقتى انا مش فى مصر انا 

هجبت منها من الى شوفته فيها  

بس اكيد دى عندى اهم من اى حاجه فى حياتى  

لائنها بلدى اتولد وهموت فيها وفى ترابها بحبك يامصر المهم
ومفيش غير سيرة هشام طلعت وقضيته واللى الراجل فيها بخخخ
اخد ياعين امه اعدام وراح فى شربه ميه بسبب واحده...
وفجأه لقتنى بعمل مقارنه مابين
هشام طلعت مصطفى وممدوح اسماعيل

الاتنين حزب وطنى,,المخلوع الى كان تبع الموكوس على عين امه سحنى ,,بسم الله عليهم حفظهم وصاينهم,
الاتنين مقربين جدا جدا للسلطه,, ايامها,, على يدى
الاتنين اعضاء مجلش شعب وشورى,,,,بفلوسهم اعترضوا باه
الاتنين مؤسسات اقتصاديه ورجال اعمال.. 

اصل بلعقل كده اتنين فى الحزب الحاكم وقئتها الزاى يخشو السجن ويتحكم عليهم باالأعدام  

احسبوها كده عمرها ماتيجى المهم هوما 
الاتنين قتـــــــــله !!!!!!!!!!!!!!!
   

 

واحد حرض على قتل سوزان تميم  

 

 

 

وواحد اتسبب فى مقتل الاف المصريين

طب ايه الفرق ليه واحد اتحول لمحكمه جنائيه وواحد جنجه!!!!!!! ايه الفرق؟؟؟؟
وبدأ السؤال يكبر وينمو فين الفرق؟؟؟وبدأ ينتشر ويتوغل ووجدتهاااااا
انا توصلت للسبب ان الفرق فى الضحيه والعباره فى الشيكاره!!!!!!!
ايون فى الاول الضحيه مغنيه وفى التانى ناس بسطاء غلابه..
يمكن لو كان بين ضحايا العباره رقاصه او فنانه كانت اتحولت للمحاكمه الجنائيه!
لكن دم المصرى الغلبان ملوش تمن للأسف  

فى عهد ابن الموكوسه 

انا عمرى منسى حوار للفنان الوزير العبقرى   

فروق حسني لما كان وزير فى عهد ابن الموكوسه

 

(فاروق حسنى) واللى بسببه كان هيجيلى
هارت اتاك وشوجر واشتباه فى زغلله فى العين
سألته المذيعه عن اسوأ يوم ليه فى الوزاره!!!! وهل هو يوم محرقه قصر الثقافه ببنى سويف؟؟؟
وفجأه...!!!!
اتنفض الوزير تقولوش تعبان قرصه
وقالها متقوليش محرقه احنا دايما بنبالغ فى استخدام الفاظنا ..
محرقه دى معناها اننا اتعمدنا الحرق ودا مش صحيح دى غلطه من ناس وادت الى ذلك الحريق
حد يزغرط ياجماعه اصلى مبعرفش..
عدى سنين على الحادثه وبرضه مصمم على استفزاز مشاعر الناس
ياقادر ياجبار هتجيبلى شوجر وانا لسه صغنن ..بتقلبوا فى المواجع ليه بس؟
ياسيادة الوزير يلى كونت وزير الغلطه اللى سيادتك بتتكلم عنها دى ادت الى موت شباب ملهومش اى ذ مب
ماتوا بأبشع موته....
المحرقه معناها انك تولع فى الناس وهم احياء ودا اللى حصل فى الواقع....
ياسيادة الوزير يلى كونت وزير انت ليه مصمم تقلب المواجع وتستفز مشاعر الناس اللى اولادهم ماتو...
الغلطه غلطت سيادتك ورجالك لما سمحوا ليهم يقيموا عرض به شموع فى اوضه ليها باب واحد
وبدون اى احتياطات او مجرد تأمين بسيط لاى حادثه!!!!!!
ياسيادة الوزير الناس اللى ماتت ماتت من اهمالك واهمال رجالك ودمهم فى رقبة حضرتك
والمحرقه دى انت السبب فيها...
خلى حضرتك مشغول بلوحاتك السيرياليه والتجريديه الل احنا كشعب متخلف مش بنفهمها..   

بس الوحيد الى كان بيفهما الى كان جابك وزير

   

احنا نفهم بس فى دم ولادنا فى رقبة مين....
وفعلا دم المصرى رخيص وكان رخيص جدا فى عهد ابن الموكوسه ولو كان فى العرض ده رقاصه ولا مغنيه كان زمان العرض اتأمن والاوضه اتجهزت.  

. 

لكن للاسف دول كانو شباب بسيط لسه متخرج ومش معروف....
واقول ايه بس,, الدنيا قامت ووقفت على رجل بسبب الست سوزان وعندنا الاف بيموتوا وكله نايم وبيحلم
هيجيلى هارت اتاك والله

والخلاصه ان العامل المشترك بين كل دوووووووووووووووول الضحيه!!!!!!

ودا الفرق بين هشام طلعت وممدوح اسماعيل واحد حرض على قتل مغنيه اتجوزت 4 فى وقت واحد
والعدد فى اليمون...
وواحد موت الاف المصريين من الشعب الغلبان المطحون ....
ودول فى منهم كتيييييييييييييييييير عندنا منهم حوالى 80 مليون وقابلين للزياده
مش هنلاحظ يعنى لو حبه اختفوا

والفرق فى كل الحالات دى فرق كبيييييييييييييييييييييييييييييير....
الفرق فى الضحيهّّ!!!! 

والشكاره فى العباره 

 

 


السوائل هنا بعد كل دة انتا شايف مصر فى عهد مبارك كونت انت فيها بنى ادم
وانا خايف ان انا اتمسك تحرى بعد التوبك دة السلام امانة لاهلى ولــى قرايبى ولــى ماما  ولــى بابا ولى اخواتى وتيزة وجدى ولى رنا حبيبت قلبى ولى اصحابى فى مصر ولــى الحج خليل بتاع التورشى ولكل الاهل والقاريب ليكم منى احلى تحية واهداء ليكم بأغنية لو سئلتك انتا مصرى تقولى اية الاست المشهورة اوى نانسى ابو ماضى
   

تحياتى . اخوكم . عمرو

رقااااااااااصة وبترقص

اة يمكن يكون عنوان التوبيك غريب شوية بس دة الاسف عنوان التوبيك

ا ظاهر ان القيم والمبأدى راحت وبقا العيب عيب اية متقولئش كدة حابس حابس,,قالع لابس
فى حاجة مش طبعية فى مياة الحنفية ..
هبخرالمياة وارقئيها من عين الجنية وبفكر اعمل زار او اطلب خالتى نوسه لسه مأخدتش القرار يعنى
لو حد يعرف وات هابيند ,,ماذا يحدث للقيم والمبأدى يقولى..
وهنيالك يافاعل الخير والثواب ومن قدم شئ بايديه التقاه..

المهم
خبر سمعته وقلت لازم اسمعهولكو:
عارفين دانا؟؟؟
ايون هى بتاعت انا دانا انا دندن اللى فى كل اغنيه بتقول اسمها دى..
اللى فاكره نفسها حلوه وهى بكتيرها شبشب بصباع..
ايييوااااااااااان هى بتاعة اعلان مولتى

دانا عملت مؤتمر صوحفى فى لبنان علشان تعلن خبر حملها وانها حامل فى الشهر السااااااااااابع
مع انها متجوزه من 4 شهور بسسسسس!!!

اظاهر البيبى قدر ظروفها وانها فنانه وليها جمهورها فقال يكبر بسرعه
ويختصرلها الوقت اوماااااااااااال
الفن رساله ياجماعه...
دماغكو وحشه راحت فى حته تانيه خاااااالث سامحهم يارب..



يابتاعه انتى,, اذا بليتم فاستتروا
صحيح اللى اختشوا ماتو
بجاحه وعينى عينك...!!!

ندخل على المفيد
شوفوا باه انا ممكن اقبل ان الشباب دماغه اوقات بتفوت
عاااااااااااادى وانا واحد منهم قلة شغل ربنا معاهم,,,
وقادر يرزق النمله فى حضن الجبل

ان الشباب تعاكس البنات برضه عااااااااااااااادى
قلة جواز ربنا ياخد بيدهم وينتقم من اللى كان السبب

ان الشباب اوقات متلاقيش فى دماغه غير صوره هيفا وهى بتقول
بوس الواوا خلى الواوا يصح ولما بسته صار الواوا بح
برضه عاااااااااااااادى
شباب غلبان ومنها لله ربنا يهدها,,, وياريت جوزها يلمها شويه باه. دة لو اذا كان راجل بجد..

لكن افهم الشباب الرجااااااااااااااااااله
يرقصوا بلدى ليييييييييييييييييييييييييييييييييييييه؟
افهم دى..

كل مروح فرح الاقى الشباب يروحوا زاقين البنات وهوب يدخلوا رقص بلدى وتقسيم
فشر الست سهير زكى والله...
وحركات عجيبه الواحد بيبأه مكسوفلهم والله


وياسلام باه فى الفرح لما الاخ بتاع الدى جى يطلب بنت وشاب علشان يتنافسوا واتفرجوا باه



الشباب يشجعوا فى صاحبهم والواد الحقيقه بيكون ايه قطع البنت
واخييييييييييييرا اعلان الولد هو الفايز تلاقيه بيبص نظره انتصار
ناقص يطلع لسانه للبنت ويقولها ياوحشه ياللى مبتعرفيش ترقصى
ياكخه انتى!!!!!

واصحابه يصفروا والله اكبر عبرنا القنااااااااااااااااااااااااااه
ورفعنا علم مصر عاليا خفاقا....

والمصريين اهمه حيويه وعزم وهمه جيل بعد جيل متقدميين

بس انا عاوزه اعرف هو الشباب ده بيدرب على الرقص البلدى ده فين؟؟؟؟؟؟؟؟
يعنى مثلا بيقف ادام المرايه ويقف يرقص؟؟؟
ولا بتعجبه حركه للست فيفى ويتفرج ويحاول يقلدها...

الخيبه باه الكبيره ان فى رجاله دلوقتى بترقص فى نايت كلاب وافراح
مش بيرقصوا تفاريح ...نوووووو شغل اى مهنتهم رقاااااااصه

البيه بيشتغل رقاصه وبترقص

ا

اه رجاله وبترقص وبيلبسوا بدل رقص وحاجه تقرف

طلعوا فى التليفزيون ورقصوا وقعدوا يشخللوا بالبدل
ويعملوا حركات مسخره والله...
انا اذ اسبهليت وبعدين استوعبت وبعدين جحظت عيناى واشرأب عنقى من هول الصدمه
وسؤال واحد بس جيه فى بالى:

هو فى ايييييييييييييييييه؟
الرجاله حصلهم ايه بالظبط؟؟؟
ومين الطعمه الكميله الاموره اللى هتتجوز البيه الرقاصه ده؟
من الاخر

اللى اعرفه ان الراجل اللى بجد ميهزش وسطه..
اللى اعرفه ان اللى بيحترم نفسه وكلمة ذكر
عنده فى البطاقه ميهزش وسطه
لانه لما بيهز وسطه بيهز معاه رجولته

اييييييييييييييييييه دنيا بدل منهتم بتنميه الرأس

..نهتم اكثر بتنميه الرقص

وعلى راى الشاعر اللى معرفش اسمه

ياحلاوتك يا ستفندى يابن عم البرتقان 

 

يارب يارب بحق جاهى النبى بعد ثورتنا ضدد النظام الفاسد والاستبداد الى كونا بنعيشه  

يارب يارب نبطل رقص ونشوف مصلاحنا ونبنى مصر من جديد 

طوبه طوبه 

وانا عليا  

هبطل اتفرج على رقص من النهارده  

كله يهون علشانك يامصر

 

بحبكم اوى  -  اخوكم عمر